Futuro Alcalde é o pseudónimo que utiliza este solista criado en Santiago de Compostela e formado por Fernando Sanmartín. O seu primeiro traballo publícase en marzo de 2022 e desde entón segue apostando polos sons electrónicos mesturados con garage, reggae e punk, con letras directas nun ton sinxelo e elegante.
En marzo de 2023 publicou o seu primeiro álbum, “Bailando en Paraíso”, un pequeno traballo formado por cinco cancións onde deixa entrever a aposta máis desafiante do cantante. En 2024 lanzou unha colaboración con Grande Amore e Galician Army, que tivo unha gran repercusión no panorama galego e animouno a publicar varios singles, os cales lle levaron a asinar coa prestixiosa distribuidora Altafonte.
Mentres se subía aos escenarios dos festivais galegos máis recoñecidos, Vibra Mahou interesouse polo proxecto, integrándoo nun ciclo de concertos a nivel nacional que actualmente se está desenvolvendo. Ao mesmo tempo, o artista está a preparar o seu último traballo coa axuda de Carlangas, quen xa produciu algúns dos seus últimos singles.
Futuro Alcalde súmase ao cartel do FIV co Concerto Vibra Mahou. A banda é unha das seleccionadas a través do acordo de colaboración establecido entre a cervexeira e a Fundación Paideia Galiza, co obxectivo de promover o talento e impulsar proxectos musicais incluídos dentro dos programas de aceleración promovidos pola fundación.
